الموضوع ازاي يا هندسة ؟؟

تقدم هذا الحلقات شرحًا مبسطًا لمفاهيم التدريب للمهارات ...

الحلقة الخامسة :

صاحبي : هلاااا .. يا هندسة،. ازيك ؟

انا : مرحبا، أنا بخير، شكرًا. أنت اخبارك ايه ؟

صاحبي: أنا ... الحمد لله. .. لقد بدأت في تطبيق بعض المهارات التي تعلمتها مع حضرتك في ورشة العمل.

انا : ده رائع! ايه المهارات التي بدأت تطبيقها .. ؟

صاحبي: بدأت في تطبيق مهارات التواصل ، الاستماع الفعال والتحدث بوضوح.

انا : رائع! لاحظت ايه .. بعد ما جربت المهارات ديه ؟

صاحبي : لاحظت أنني أستطيع فهم الآخرين بشكل أفضل، وأنهم يفهمونني بشكل أفضل أيضًا.

انا : رائع يا صاحبي ! هذه هي فوائد تطبيق مهارات التواصل ,واحنا لسه في الاول ، والنهارده ح نخش على البهاريز .. خلاصة لغة التواصل . لغة الجسد ..

صاحبي : ما دام الخلاصة ما كنا بدأنا بيها ؟

انا : ما ينفعش .. كل حاجة لازم في وقتها وفى حاجات صغيرة ممكن تبقي قبل الكبير بس الكل بيكمل بعضه ..

صاحبي : تمام يا هندسة ..

انا : بص يا صاحبي اللي فات حمادة .. واللي جاي حمادة تاني خالص ..

فاكر الفنان احمد حلمي في فيلم عسل اسود .. وبسال يعنى ايه اقلتلك مع السلامة يا ابتسام --واتكت على السين .. لأ اقولك لما تتكلي عالسين معناها روحي في ستين داهيه وغوري ..

صاحبي : تمام يا هندسة فاكر واحنا نص كلامنا في العادي بيحمل الوشين ..

انا : بص يا صاحبي .. كلامك صح بس مش النص .. تقريبا 70 % من المعني بيوصل من لغة الجسد ونبرات الصوت وطريقة الالقاء ..

انا مكملاً : لغة الجسد ديه الطريقة التي نستخدم بها أجسادنا للتواصل مع الآخرين. تتضمن لغة الجسد تعبيرات الوجه، حركات اليدين، لغة العيون، وضعية الجسم، نبرة الصوت، وغيرها من العلامات غير اللفظية.

صاحبي: طب ليه بقي لغة الجسد مهمة في فن الاتصال؟

انا : لغة الجسد تلعب دورًا هامًا في فن الاتصال. غير انها بتأكيد على النقاط المهمة، وبتظهر الاحترام . بتُكمل الكلمات وبقوم بإيصال المعنى بشكل أوضح. بتُعبّر عن المشاعر بشكل غير لفظي. بتساعد على بناء الثقة بين المتواصلين. بتساعد على فهم ثقافات مختلف ..

صاحبي : طب كده الموضوع كبير قوي ما فيش شوية أسرار للغة الجسد في فن الاتصال؟

انا : طبع في حاجات كتيرة وكلها عايزة تدريب وممارسة بس اديك احسن واسهل حاجة ..

التواصل البصري: يدل على الاهتمام والتركيز.

وضعية الجسم: تُظهر الثقة بالنفس والاحترام.

الإيماءات: تُساعد على إيصال المعنى بشكل أوضح.

تعبيرات الوجه: تُعبّر عن المشاعر بشكل غير لفظي

واديك تاج كل دول واهمهم .. الابتسامة .. مفتاح التواصل الجيد والفعال ..

تُظهر الود والترحيب. تُخفف التوتر وتُبني الثقة. تُساعد على إظهار المشاعر الإيجابية.

صاحبي : طب يا هندسة .. اعمل ايه علشان احسن لغة الجسد؟

انا : اقرأ كتير على لغة الجسد علشان تفهمها .. اتعلم ورش دورات .. لقاءات مع مدربين ..

اسأل عن كل حاجة .. ومارس .. جرب .. كل يوم ح تحس بفرق ..

انتبه إلى لغة جسدك: لاحظ كيف تُستخدم لغة جسدك في التواصل مع الآخرين.

مارس لغة الجسد بشكل إيجابي: استخدم لغة الجسد للتعبير عن المشاعر الإيجابية مثل السعادة والامتنان.

كن على دراية بلغة جسد الآخرين: انتبه إلى لغة جسد الآخرين لفهم مشاعرهم بشكل أفضل.

واهم حاجة ... ابتسم .. ابتسم .. ابتسم ..

• وح نكمل رحلتنا في الحلقة الجاية كل اثنين وجمعة . ..

• أتمنى لك رحلة تطوير ذاتية ناجحة! .....

.. الدكتور / اسامة طلبة ..

• ….. والى لقاء قادم .....

• #د_اسامة_طلبة

.....