الموضوع ازاي يا هندسة ؟؟

تقدم هذا الحلقات شرحًا مبسطًا لمفاهيم التدريب للمهارات، من خلال حوارات مدرب تنمية بشرية - المهندس - وصديقه الذي يسعي الى فهم كيف يمكن استثمار وقته في تطوير نفسه ، الحلقات تهتم بالتركيز على أهمية تطوير المهارات الشخصية في ظل التغيرات السريعة التي يشهدها العالم.

الحلقة الرابعة :

• صاحبي: صباح الخير يا هندسة.

• انا : صباح الفل يا صاحبي جمعة مباركة .. النهار ده ثاني جمعة في رمضان، وربنا يتقبل .

• صاحبي : وانت طيبة يا هندسة ينعاد علينا بالخير. مش ح نكمل كلمنا في موضوع التواصل !

• انا : وماله يا صاحبي ، اتكلمنا على الاستماع هنتكلم النهاردة عن مهارة التكلم.

صاحبي : تمام يا هندسة ده بقى كلنا شاطرين فيها .. ومافيش اكثر منها عندي ..

انا : يا صاحبي ما تستعجلش ،، القصة مش بالكترة ولا كل كلام مهارة !!

عارف في ناس تسمعها تحسن انك دايخ من كتر الافكار المتلخبة يعني الفكرة وعكسها وكتر الشرح اللي مش بيشرح ونقول بيعض انجز . لاخص . من الاخر ..

صاحبي : تمام يا هندسة ما هو الده اللي بيعمل تفاعل جيد بين الاتنين ..

انا : يا صاحبي ما، مهارة التكلم هي القدرة على التعبير عن أفكارنا ومشاعرنا بوضوح وفعالية، بطريقة سهلة وسريعة ومريحة للطرفين .. وده ليه شروط كتيرة ..

اولها .. الوضوح في استخدام لغة مفهومة، تعبيرات بسيطة ، بصوت مسموع .

ثانيها .. الدقة في المعلومات مع مصطلحات مناسبة من غير غموض .

ثالثهم .. افكار مترتبة مواضيع متقسمة ، يعنى كلام متنظم .

رابعهم .. استخدام كلام جذاب حماسي وايجابي وادعمه بلغة جسد .

خامسهم .. التفاعل مع المستمع من خلال السؤال ، قراءة لغة الوجهه ، تغير نبرات الصوت .

صاحبي : طب هو الواحد ازاي يتعلم ده كله ؟ واحنا بقلنا سنين متعودين على كلام تاني خالص ..

انا : بص يا صاحبي ..ما فيش حاجة صعبة بس فيه طرق كتيرة ..

اولها الممارسة .. لوحدك او مع ناس في ورش عمل او كورسات تدريب ..

القراءة للكتب والمقالات المتعلقة بالتواصل. واعرف عن تحليل خطابات الشخصيات الناجحة.

وسيع حصيلة الكلمات .. الفيدوهات فيها العروض التقديمية وملاحظة لغة الجسد وتعبيرات الوجه يعنى في شوية شغل حلوين .. للي عايز يشتغل وينجح !!

صاحبي : طب هو ده ياخد وقت قد ايه ؟؟ علشان الواحد يشوف نفسه متحدث جيد !

انا : كل واحد وشخصيته وامكانياته والطريق كمان بتقصر المسافة يعني مع مدرب شخصي او دورة احسن من الفيديوهات والقراءة بتاخد وقت وممكن متكنش واضحة وفعالة ..

صاحبي : شكرا يا هندسة .. معادنا الجاي حنعمل ايه ؟؟

انا : هنتكلم عن مهارة الكتابة ولغة الجسد .

• وح نكمل رحلتنا في الحلقة الجاية كل اثنين وجمعة . ..

• أتمنى لك رحلة تطوير ذاتية ناجحة! .....

.. الدكتور / اسامة طلبة ..

• ….. والى لقاء قادم .....

• #د_اسامة_طلبة