. الموضوع ازاي يا هندسة ؟؟؟ ..

صاحبي / صباح الخير يا هندسة ..

انا / صباح الفل على الكل ، النهاردة اول يوم رمضان فكل سنة وانتم طيبين ، وشدوا حلكم السنادي عايزين شوية انجازات .. ..

صاحبي / وانت طيب يا هندسة ينعاد علينا بالخير .. بس الانجازات ديه فيها كلام !! ..

انا / ليه بس يا صاحبي الواحد ممكن يعمل انجازات كتير ان شاء الله في رمضان .. طبعا جنب العبادات والحسنات اللي المفروض نعملها في الشهر الكريم ده ...

صاحبي / اصل الدنيا مش زي الاول يا هندسة .. كل يوم الدنيا بتتغير بسرعة من ورا التطور والتقدم ..

انا / طيب احنا نحاول نطور نفسنا معاها ، وده محتاج شوية شغل بجد ..

صاحبي / اكيد كل واحد فينا عايز يتعلم ويكسب مهارات جديدة تساعده وتعينه على ظروف الحياه ..

انا / تمام ما احنا متفقين اهو .. ايه المشكلة بقي ؟؟

صاحبي / المشكلة يا هندسة انه ومع انتشار شركات التدريب وسائل التعليم الذاتي على الإنترنت ، بنلاقى نفسنا ضايعين بين عدد كبير من الكورسات والمدربين والدورات والشهادات والشركات والمنصات ... وكله بيتكلم على انه بيعمل البحر طحينة ...

انا / طيب .. انا ح اساعدك .. بس من الاول ركز معايا وخليك صبور .. اولاً ح نفهم مع بعض شوية حاجات ، وصدقنى كلها مهمة ..وح اشرحها واحدة واحدة ..

اول حاجة نفهم الفرق بين مدرب التنمية البشرية ومحاضر التحفيز...

طب مين هو مين؟؟ ومين ده ليه ؟؟ وعلشان ما ندخلش المتاهة ، نركز كده ونشوف الموضوع ازاي ؟

..... ..... الموضوع ازاي – الحلقة الاولي ..... .....

مدرب التنمية البشرية : هو متخصص في مجال التنمية البشرية، حاصل على شهادة اعتماد من جهة معتمدة. يُقدم برامج تدريبية تهدف إلى تطوير مهارات الأفراد وتحقيق أهدافهم الشخصية والمهنية. ويُركز على تطوير مهارات محددة لدى الأفراد، مثل مهارات التواصل، ومهارات القيادة، ومهارات حل المشكلات. مستخدما منهجًا علميًا وعمليًا لتحسين مهارات الفرد وقدراته. اضافة الى انه يختار أساليب تدريبية متنوعة، مثل المحاضرات، والنقاشات، والتمارين العملية، القصص التحفيزية ، وتقييمات الأداء. من مهاراته الاستماع الفعال، وتحديد احتياجاتك، وتصميم خطط التطوير، وتقديم التوجيه والدعم.، تكلفة خدماته مرتفعة شوية. يُقيّم المتدرب بشكل دوري لضمان تحقيق الأهداف. وفى النهاية المدرب يُساعد الأفراد على تحقيق تغييرات مُستدامة في حياتهم الشخصية والمهنية.

محاضر تحفيزي: هو شخص يقدم عروضًا تحفيزية تهدف إلى إلهام الجمهور وتحفيزه على تحقيق أهدافه. يُركز على تحفيز الجمهور بشكل عام، دون التركيز على مهارات محددة. يستخدم أسلوبًا مُلهمًا في عروضه، يعتمد على القصص، والأمثلة، والفكاهة . يتواصل بشكل فعال ويجيد التحدث والاقناع ـ تكلفة خدماته مناسبة. يُمكن أن يُلهم الجمهور ويُحفز المشاعر بشكل قوي و سريع لخلق شعور بالحماس والرغبة في التغيير، لكن تأثيره لا يدوم طويلاً.

في النهاية، اللى يهمنا مين هو اللي ينفعك؟ ... ده بيعتمد على احتياجاتك وأهدافك.

لومش عارف اهدافك!!! .. اسئلنى .. وقولي يا هندسة اعرف اهدافى ازي ؟؟؟ اقولك المرة الجاية ...

المهم إذا كنت بتدور على مهارات وتحقيق تغييرات ملموسة في حياتك، فمدرب التنمية البشرية هو الخيار الأفضل.

أما لو كنت بتدور عن الشغف والتحفيز والإلهام، فمحاضر التحفيز هو المناسب.

الخلاصة: مدرب التنمية البشرية : للّي بيدور على تغييرات حقيقية في حياته او شغله .

المدرب التحفيزي: للّي بيدور على شحنة إيجابية ..علشان يجتاز فترة معينة او موقف محدد .

بس تأكد من اختيار المدرب أو المحفز اللى عنده خبرة وسمعة جيدة.

وأخيرًا، تذكر أن تطوير الذات رحلة مستمرة تتطلب الالتزام والممارسة.

وح نكمل رحلتنا في الحلقة الجاية . ..

أتمنى لك رحلة تطوير ذاتية ناجحة! ..... الدكتور / اسامة طلبة

... والى لقاء قادم وموضوعات اخري ........

#د_اسامة_طلبة